Partners with Nunavummiut in preserving culture and nurturing literacy.

Inuktitut Qaritauyamut Naqittautinut Hunakkutaarutaanit

Aturtutit haffuminga Prosyl nik uumingaluniit ilitkuhiit Inuktitut titirautainnut? Hapkuninga aturumagungni Unicode titirautainnit takunnariamini Inuktituuqhimayuni? Ilaa, qaihimayutit nalaumayunut.

Huuqtauq Unicode titirautainnit?

Pinniqhutik ilaa, Prosyl, Naamajut, kihinnguutaillu aallaugamik haffumingat Unicode titirautait, ilitturiqaqhutik haffumingat idiosyncratic nik ikittuuvlutik mikiyuuvlutiklu ilitquhiitait. Qaritauyakkut tiliuqhimagamik ilaliutiqarniqhutik titiqqait haffumingat "A mit" "Z nut" qaritauyap naqittautainnit ilaliutiqangniqhutik Inuktituuqhimayut. Piqanngittumi ilaa. Pigiarniq aallallu Unicode nik titiraliuyut taimaa pihimagiami haffuminga "A mit" "Z nut" naqittautilingni ilaliutigianganilu ilitquhiita naqittautainnut. Unicode titiraita aallaugamik (nakuurpiartumik ihuaqtuuvlunilu) ilitturivluni tahapkuat ilitquhiita nalaumayunik atuqtakhainit ihuaqutikhainnit taimaa Unicode titiqqait ilaliutihimavlutik, ahianiunngittut, tiliuqhimayutut ittuuvlutik tamatkiunigut Kanatam atuqtakhautaitigut nalaumakpiaqhutik qaritauyakkut qauyimayainnik, piyumakpat.

Aturiami Pigiarniq qaritauyamut ingilrahimayuq uumingat Microsoft Windows nganit.

Aturiamingni Pigiarniq ihuaqhagiaqartatit haffumingat Inuktitut naqittautikhait ihuaqutait qaritauyanut. Ahivarlugit naqittautitit ihuaqutait taimaa aturiamingni aallamik ilitquhiita taimaa aallamungagiangani. Chinese? Humaanngittuq. Cyrillic Russian? Taki qailutit. Inuktitut? Ilaa….Una Inuktitut ihuaqutait pihimavlutik "A mit" "Z nut" tamainnut naqittautinut piyumagungni ilaa, taimaa angmaqhiigiangani naqihimagungni Caps Kiiliutihimayut naqittautaa.

Maliklugu 1: Qaritauyarmi iliurailugu Inuktitut naqittautinga aqutakhaa: kbdiu.zip.
kbdiu.zip ilaliutiqaqhuni titiqqat kbdiu.exe qakunnaqhuni haffuminga Windows NT, 2000 uumingalu XP qaritauyangit ilaliutigiangani haffumingat Microsoft Inuktitut Naqittautikhait. Ahivarungni ungavarungnilu kbdiu.exe, pihimadjavatit hivunikhautait qaritauyangnut qauyimagiaqaqtatillu humiittakhat tutquumavikhat taimaa aqunniarangni maligautinut 3 mi.
Maliklugu 2: Iliurailugu Pigiarniq
Iliurailugu Pigiarniq hamunga. Unzip (ahivarlugu) una titiqqat ilaliutait ilaqaqhutik iluani qaritauyavit nuullugillu qaritauyavit tuglinganut titiqqait nalunaikuhiinnut - C:\Winnt\fonts (Windows NT unalu 2000) haffumingaluniit C:\Windows\fonts (Windows XP).
Maliklugu 3: Ingilralugit kbdiu.exe
kbdiu.exe ilaliutiqaqhuni haffuminga tamaita titiqqait (ilitquhiita nunauyarninga) atuinnarialgit ilaliutihimalugit uumingat Inuktitut naqittautingit. Ahivarungni taamna kbdiu.exe, malruirlugu naqittarlugit ingilrayaamini inminut – ihumagivlugit ingilrahimayut haffuminga Windows NT uumingaluniit 2000 havakhimayunut. Ingilrahimagungni Windows XP, hivullirmi naqittarlugu titiraqhimayumi pukukhimalugulu "Properties/Compatibility". Pukuklugu "Run this program in compatibility mode for Windows 2000". Naqillugulu OK. Malruirlugu naqittarlugit kbdiu.exe iliuraigiangani. Taimaa tamatkiugungni qilaminnuaq iniinnarniaqhuni, takulimaittunaqhiyat. Ihumaalungillutit. Taimailiurpaktut.
Maliklugu 4: Ilaliutilugu Inuktitut naqittautikhait
Haffuminga Windows NT uumingalu 2000 aturtait, angmautilugu hamna "Keyboard" aulattitiniup aturvikhait (Start/Settings/Control Panel) uvungaulugillu "Input locales tab". Haffumingat Windows XP aturpagait, angmaqhilugu haffuminga "Regional and Language Options" aulattitiniup aturvikhat uvungaulutillu "Languages" naqittautaa. Pukuklugu "Details...".
Naqihimalugu "Add"...
Pukukhimalugit naqittautait uqauhiat - Indonesian aturtauvagait ilaliutihimainnartait titiqqatigut uumingat titiraqhimagamiklu "IN". Pukuklugu Indonesian.
Windows NT uumingalu 2000 aturtauyut, naunaittiaqhimalugu uumingat naunaitkutaa qiyuqutaa tiliuqhimayuq "Use default properties for this input locale". Hamna naqittautaa OK. Ilua takukhauniaqhuni, pukukhimalugu "Inuktitut Nunacom" naqittautaa aturvikhaq (takukhaunngitpat, qaritauyavit qamingaqqaarlugu ikiffaarmiyakhat, qaiffaarmilutit hamunga). Windows XP aturvikhait, naqittarlugu "Keyboard layout/IME" pukukhimalugillu hamna "Inuktitut Nunacom" naqittautaa aturvikhaq. Kinauguvit, "OK" nut naqihimalugu aulatititiniq aturvikhaq.
Maliklugu 5: Ilauli Inuktitut naqittautaa
Hamunga kingungani aturvikhat tigurpiangani ataaniittuq taliqpiani qunniarvitit pigiaqalirtatit haffumingat pukuktautikhat uumingat "EN" ialiutiqaqtuq (EN Qablunaatitut, hamna qaritauyavit atutaarungnaqhiyaa qablunaatitut). Naqihimalugu takukhauyuq takukhauniaqhuni pukuktaugumi naqittautivit aahit aturvikhatit - IN mit naqihimalugu Inuktitut naqittautikhait takukhaugiamingni. Pukuklugu IN. Piqattautiinnarialik naqihimalugu haumiani Alt + Shift naqittautaa adjikiikhimayumi naqittautainnut. Talvangaanit ihuaqhiinnariaqaqtatit haffumingat Kiiliqhimayut NaqittautaitInuktitut (haumingnut A mi naqittautaa) Taimaa naqiqattarlugit Inuktitut, Piginariq titut. Qauyimagiaqartatit, Pigiarniq Inuktituuqhimanngittut - aturiaqalirtatillu tiliutait titiqqat A mi Z nut naqittautait kiiliqhimanngitkumik-titiqqait.

Inuktitut naqittautait aturvikhait

Inuktitut keyboard layout

Piksa amigaittuni taidjutiqarlaaqhutik, kihimi hapkuat Inuktituuqhimayut naamakpiartut nipittautiqaramik naqittautimut. Hivayainnarialik Nunalingnit Makpiraaliqiyi Sue MacIsaac () naunaittiariami qanuq Inuktitut naqittautinit nipittautigiangani.

Pigiarniq Macintosh qaritauyakhamut

Haffumingat OS 9 uumingalu ikittumik, pulaarlutik http://www.nunatsiaq.com/download.html. Haffumingat OS X aturvikhait, malikhimalugit naunaitkuhirnut ataagut.

Maliklugu 1: Ilaartuilugu Pigiarniq
Ihuaqhilugu Pigiarniq hamunga. Ahivarlugu (ungavarlugu) titiqqat ilaliutihimayut iluani qaritauyatit turaaqhimalugulu hamunga Mac nut tuglinganut hivunigiangani, /Library/Fonts/.
Maliklugu 2: Iliurailugu Inuktitut naqittautainnut
Ihuaqhilugu Pidjutikhainnut ataagut Apple mit (qaanganiittuq haumingnit ikinnuangani qunniarvikhainnut), pukutarlugulu haffuminga "International". Pukuktarlugu "Input menu". Naqiqattarlugit haffuminga naqittautingnit hiamahimayumit haffumingalu pigiartukhat "Inuktitut – Nunavut" tiliurtaaqhimayuni. Aniyungnartutillu hamunga "International" haffumingalu "System Preferences".
Maliklugu 3: Ingilralugit Inuktitut naqittautingnut
Piqaqtukhauyut tadja tiliurutainnit qaangani qunniarutainnit haimmartiuyunit piyakhautait hapkuninga ilulikhait aturvikhait-Kanatam haimmartiuyuq haffuminga Kanatam Qablunaartitut uumingaluniit Amirikat haimmartiuyuq Amirikap Qablunaartitut. Naqittarlugu haimmartiuyunut Inukituuriami-Nunavut. Tamatkiugiamini ihuaqhilugu iliurailugu Naqittautaitaa Caps ngut Kiiliqhimayuq naqittautaa(haumianni A naqittautainnut) talvangaani naqittarqhimayutit Inuktitut, Pigiarniup atuqhugu. Qauyimagiaqartatit, Pigiarniup Inuktituinnaunngittuni-atuinnarialgiklu A mit Z nut Caps nga naqittautaa kiiliqhimagumi atunngittuugumi. Uukturlugu: Caps ngutaa kiilirlugu-Inuktitut, Capsngutaa qaminngarumi-tiliutait.